Campus do emprendemento e do saber de Noia

A Vila de Noia é un enclave singular da Comunidade Autónoma de Galicia, situada no
vértice da Ría de Muros e Noia (Ría da Estrela) e moi preto de Santiago de Compostela (Portus
Apostoli). A súa localización, así como a riqueza das súas terras e a xenerosidade das súas
augas, explica a súa singularidade histórica que tivo dende a súa Carta Fundacional no século
XII, así como o gran patrimonio histórico-artístico reflectido nas rúas lousadas, nos pazos
brasonados e nas características construtivas das súas igrexas. Un pasado, certamente,
glorioso.
Pero máis importante que todo isto, con ser importante, e moito, é a súa xente. Noia
é, antes que nada, terra de creadores. Creadores industriais, creadores culturais e artísticos,
creadores nos diferentes eidos da actividade humana. É neste contexto no que deberá
entenderse o propósito de facer de Noia a Capital do Emprendemento e do Saber do verán.
Durante os meses de xuño, xullo e setembro Noia acolle unha gran variedade
de cursos e xornadas, que van dende o tratamento de tópicos de sempre, pero que seguen
preocupando á sociedade, como outros máis novidosos que van marcar a nosa vida durante os
vindeiros anos. Unha excelente oportunidade para poder combinar un tempo de lecer nun dos
currunchos máis fermosos da Comunidade, co desexo de saber e de seguir mellorando no
ámbito en que cada un desenvolva a súa actividade.
Dada a importancia que este reto ten para a Sociedade desta bisbarra como para toda
Galicia, as entidades Organizadoras e Patrocinadoras ofrecen un número de bolsas que van
facilitar a participación a todas aquelas persoas que teñan verdadeiro interese en non deixar
pasar esta excelente oportunidade.

 XUÑO

DÍA 14
Edificio Antigo Casino (EAC)
“O Camiño de Santiago da Ría de Muros e Noia”
11:00h. Edificio Antigo Casino (EAC)
“O Portus Apostoli e a súa igrexa. San Martín de Noia”
– Dra. Manuela Pérez Mato
11:30h. Edificio Antigo Casino (EAC)
“O Camiño da Ría de Muros e Noia dende a análisehistórica e arqueolóxica”
– Dr. Mario César Vila
12:00h. Edificio Antigo Casino (EAC)
“A experiencia da peregrinación a través do Camiñoda Ría de Muros Noia”
– Dr. Antón Pombo
12:30h. Edificio Antigo Casino (EAC)
Mesa redonda. “Retos e perspectivas do Camiño de Santiago da Ría de Muros Noia”
Interveñen:
– D. Santiago Freire, Presidente da Asociación de Concellosdo Camiño da Ría de Muros Noia
– Dr. Marcelino Agís, Presidente da Academia Xacobea
– Dr. Antón Pombo, historiador e escritor especializado nosCamiños de Santiago
– D. Sebastián Velarde, xerente da Asociación de Concellosdo Camiño da Ría de Muros Noia

Día 26
10:00h. EAC
“Intelixencia Artificial”
– Dra. Sonia Valladares

XULLO

Día 02
19:00h. Salón do Clube de Pensionistas
“Saúde mental nas etapas avanzadas da vida: os límites mentais”
Dr. Miguel Ángel Vázquez

Día 07
19:00h. Salón do Clube de Pensionistas
“Saúde física nas etapas avanzadas da vida: os límites corporais”
Dr. Xosé María Dios Diz

Día 12
10:00h. EAC
“Deporte e saúde mental: Aportacións do coaching”
Dr. Joaquín Dosil e D. Rubén Domínguez

Día 17
10:00h. EAC
“Educación emocional: Emocións, sentimentos ecompetencias afectivas”
Dra. Aixa Permuy

Día 24
10:00h. EAC
“Mediación escolar en centros: Violencia, abusos, comunicación”
Dra. Jeniffer Herbón

Día 31
10:00h. EAC
“Adicións, consumo, prevención e intervención”
Dr. Manuel Isorna

SETEMBRO

Día 06
10:00h. EAC
“Creación e tendencias literarias”
Dr. Armando Requeixo (Coordinador)

Día 11
10:00h. Salón da Confraría de Pescadores
“Noia: A horta da Ría”
D. Adelo Freire

Día 18
10:00h. EAC
“A Noia que queremos: Olladas de futuro”
Expertos e representantes da sociedade

Edificio Antigo Casino (EAC)
Salón do Clube de Pensionistas
Salón da Confraría de Pescadores San Bartolomé de Noia

FUNDEHSGA

981 576 666 · info@fundehsga.com

Concello de Noia

Casa da Cultura: 981 824 169